أكثر الأماكن الضيقة إتساعًا

-

الحضن 
قالوا عنه ↞ أكتر الأماكن الضيقه إتساعًا 

إزاى بالحضن بس تخلى حد يحس بأمان راحه دفا ، إزاى تقدر تخلى الطرف التانى بدل إحساس الرعب المسيطر عليه يكون حاسس بإن مفيش حاجه هتقدر توصله فى المكان ده ، الحضن يقدر يبنى مدن كاملة إنهارت جوه أى حد
مش كل الناس تعرف يعنى إيه حضن ، يعنى إيه يكون عندك ملاذ و بيت الطرف التانى يقدر يلجأله فى أى  وقت
الحضن بيجمع اللى إتكسر جوانا و يصلحه و يرجعه أحسن من الاول
اتعلموا توصلوا مشاعركوا صح ، شريكوا فى الحياة يستحق المشاعر دى ،يستحق يتحضن وقت الوجع الفرح الحزن البكاء العتاب ، يستحق حضن بعد يوم طويل و متعب ، يستحق إنه يتصلح من جوه، يستحق تتبت فيه أكنك بتقوله إنت اللى ليا فى الدنيا ( متمشيش) ، يستحق ياخد هدنه من عقله اللى بيفكر 24 ساعة
قولوا للى بتحبوهم بحبك وحشتنى، أحضنوهم لحد ما تشبعوا من ريحتهم من لمستهم من حضنهم ، حسسوهم قد إيه هما مهمين عندكوا 


الحضن يعنى سور بينك و بين العالم موجود بس لحمايتك


تعليقات

إرسال تعليق

المشاركات الشائعة من هذه المدونة

ليالى المشربيه

-
صورة
المكان قهوة المشربية ، قهوة عتيقة فى وسط البلد ، صاحبها الحاج فتحي ، دائما يجلس أمام مكتبه بجلبابه العربي و عمته ناصعة البياض و شاربه الكث بجانبه الشيشة القص كما يطلق عليها ، يعرف كل من يدخل او يخرج من القهوة دون عناء يُذكر ، بندق القهوجى ببنيته الهزيله و قميصه اللبنى تحسبه من بهتان لونه أن عمره من عمر صاحبه ذا الستون عامًا ، زوار القهوة أغلبهم من أصحاب المعاشات و زوجاتهم ، يلعبون الدومينو أو الطاوله فى نفس المعاد و على نفس الطاولة لحظة دخولي نظر لي الحاج فتحي متعجبًا أنا : سلام عليكم يا معلم الحاج فتحي : وعليكم السلام يا بنتي ، أومال جايه لوحدك ليه و فين الأستاذ أنا ( عيني مليئة بنظرات الحسرة و دموعي توشك على إعلان انتفاضها من مكمنها ) : مات بعد لحظات من الصمت الحاج فتحي (و على وجهه بعض الوجوم) : لا حول ولا قوة إلا بالله البقاء لله يا بنتي ، حصل إمتي الكلام ده إنتوا لسه كنتوا هنا من كام يوم وأشار بيده تجاه الطاوله التي إعتدنا الجلوس عليها سويا، إنهمرت دموعي حين رأيت الطاولة ولم تعد قدمي قادره علي الثبات وإختل توازني ، كدت أن أفقد وعيي ، أنتبهت بصعوبة لصيحات المعلم فتح...
قراءة المزيد

مجرد حوار

-
الأن -فيكي إيه مالك. -مفياش حاجه ، كويسة. -لأ مش كويسة، عينيكى بتقول إنك مخبية كتير، مسكة إيدك لإيدي و تتبيتك فيها فى كل مرة بنبقى ماشين خلاص، بتقفلى الموبيل فجأة و بتختفى، بتسبينى فى نص الطريق لوحدى ليه؟ -خايفة، لا مرعوبة. -إيه فى الدنيا يخوفك للدرجة دى؟ -اسالنى ايه اللى مش بيخوفنى ، الحاجات اللى بتخوفنى بتزيد كل يوم ، من كتر ما اتسبت فى نص الطريق بقيت خايفه ادخل حد حياتى و فى نفس الوقت بخاف من الوحده ، بخاف من انى اموت وحيده و محدش يجي يدفنى، بخاف تمشى بعد ما لقيتك و بردو خايفه اكمل معاك وانا كده فاظلمك ، بخاف اغير مكان وبخاف افضل فيه ، بخاف افضل كده و بخاف لو بقيت احسن اتكسر تانى ، بخاف من دماغى انى ااذى نفسى فى اى وقت ، بخاف ملاقيش حد اسند عليه، بخاف و بكره خوفى. -مين قال انى همشى دا انا قاعد على قلبك ، مش هقولك انك روحى و قلبى زى ما بقيت الناس بتقول، انتى بنتى، متخيله ممكن حد يسيب بنته و يمشى؟! -وايه يثبت انك مش هتمشى ، بابا سابنى انا و ماما و مشى ، أصحابى مشيوا ، اوتار ايدي اتقطعت من كتر ما مسكت فيهم. -وعد قدام ربنا هفضل معا...
قراءة المزيد

وردة الكون الأولى

-
ياسمينتى يوم 20 من الشهر الحالى أتممت عامك الرابع و  العشرون ، مازالت روحك طفلة صغيرة بضفيرتين ،  كل لغات العالم أجمع إن اجتمع  معا لن تكفى لوصفك  سيدتى صاحبة الضحكة الجميلة مثل شمس دافئة فى يوم شتوى ممطر ، ضحكتك تفتن قلوب و تمحى الحزن عن الأرواح ، ضحكتك تنبت فى قلبى ورود عباد الشمس عباد ضحكتك الصفية ، كل عام و انتِ بخير يا صديقتى ، كل عام وانتِ جزء منى ، كل عام و قلبك ملئ بالفرح و السعاده ، أتمنى فى هذا اليوم العظيم ( يوم مولد ورده الكون الاولى ) أن يدوم الله نور روحك و قلبك. أحب أن اهدى إليك منشورى الثانى ، جعلك الله سببًا فى إنشاء هذه المدونة و سببًا فى إسعادى ، كل الشكر و الإمتنان لكى صديقتى، أحبك ياسمين منصور. 
قراءة المزيد