مجرد حوار
الأن
-فيكي إيه مالك.
-مفياش حاجه ، كويسة.
-لأ مش كويسة، عينيكى بتقول إنك مخبية كتير، مسكة إيدك لإيدي و تتبيتك فيها فى كل مرة بنبقى ماشين خلاص، بتقفلى الموبيل فجأة و بتختفى، بتسبينى فى نص الطريق لوحدى ليه؟
-خايفة، لا مرعوبة.
-إيه فى الدنيا يخوفك للدرجة دى؟
-اسالنى ايه اللى مش بيخوفنى ، الحاجات اللى بتخوفنى بتزيد كل يوم ، من كتر ما اتسبت فى نص الطريق بقيت خايفه ادخل حد حياتى و فى نفس الوقت بخاف من الوحده ، بخاف من انى اموت وحيده و محدش يجي يدفنى، بخاف تمشى بعد ما لقيتك و بردو خايفه اكمل معاك وانا كده فاظلمك ، بخاف اغير مكان وبخاف افضل فيه ، بخاف افضل كده و بخاف لو بقيت احسن اتكسر تانى ، بخاف من دماغى انى ااذى نفسى فى اى وقت ، بخاف ملاقيش حد اسند عليه، بخاف و بكره خوفى.
-مين قال انى همشى دا انا قاعد على قلبك ، مش هقولك انك روحى و قلبى زى ما بقيت الناس بتقول، انتى بنتى، متخيله ممكن حد يسيب بنته و يمشى؟!
-وايه يثبت انك مش هتمشى ، بابا سابنى انا و ماما و مشى ، أصحابى مشيوا ، اوتار ايدي اتقطعت من كتر ما مسكت فيهم.
-وعد قدام ربنا هفضل معاكى العمر كله.
"بعد سنة"
-مش هقدر اكمل معاكى، انتى تستاهلى حد احسن منى.
-........
-اتكلمى قولى اى حاجه ، متسكتيش كده.
-سلام.
تعليقات
إرسال تعليق