آية سمير

حب دائم حتى الآخرة لازم نفضل متأكدين إننا حلوين و نستاهل أحلى  حاجة فى الدنيا ، نستاهل نتحب الحب ده ، نستاهل حد ينحت فى الصخر عشانا ، حد يشيل معانا تعب العمر كله ، حد نأمنه على نفسنا قبل أى حاجه ، حد نبقى متطمنين مرتاحين مبسوطين معاه ، مهما غلطنا و مهما حصل هنفضل بردو نستاهل حد حنين و طيب و جدع ، حد يكون سند و ضهر و قوه ، حد يلم المكسور جوانا و يرجعه أحسن من الأول ، حد يعيش معانا العمر كله من غير شكوى إن جسمنا إتغير و شعرنا شاب و كرمشنا و عجزنا ، حد يشوفنا حلوين طول الوقت ، حد يشوف النور جوانا حتى فى أكثر أماكنا الضلمة ، حد نكونله بيته و سكنه و مأمنه ، حد يكونلنا عكاز و نكونله كتف يسند عليه لما نكبر فى السن، حد يحبنا فى أكثر اللحظات اللى المفروض يكرهنا فيها ، حد يفهم إننا إزاز متكسر بيعورنا قبل منه ، حد يقدر إننا ممكن نمشى من نص السكة من الخوف ، حد يتبت و يمسك زى الطفل اللى متشعبط فى مامته، حد يهدى الرعب القلق الوجع اللى مالى روحنا ، حد ينور قلبنا من أول و جديد ، حد يحضنا وقت ما نموت و يقول نصى راح  منى. محتاجه  حد يحبنى فى الوقت اللى بكره فيه نفسى....

الأن -فيكي إيه مالك. -مفياش حاجه ، كويسة. -لأ مش كويسة، عينيكى بتقول إنك مخبية كتير، مسكة إيدك لإيدي و تتبيتك فيها فى كل مرة بنبقى ماشين خلاص، بتقفلى الموبيل فجأة و بتختفى، بتسبينى فى نص الطريق لوحدى ليه؟ -خايفة، لا مرعوبة. -إيه فى الدنيا يخوفك للدرجة دى؟ -اسالنى ايه اللى مش بيخوفنى ، الحاجات اللى بتخوفنى بتزيد كل يوم ، من كتر ما اتسبت فى نص الطريق بقيت خايفه ادخل حد حياتى و فى نفس الوقت بخاف من الوحده ، بخاف من انى اموت وحيده و محدش يجي يدفنى، بخاف تمشى بعد ما لقيتك و بردو خايفه اكمل معاك وانا كده فاظلمك ، بخاف اغير مكان وبخاف افضل فيه ، بخاف افضل كده و بخاف لو بقيت احسن اتكسر تانى ، بخاف من دماغى انى ااذى نفسى فى اى وقت ، بخاف ملاقيش حد اسند عليه، بخاف و بكره خوفى. -مين قال انى همشى دا انا قاعد على قلبك ، مش هقولك انك روحى و قلبى زى ما بقيت الناس بتقول، انتى بنتى، متخيله ممكن حد يسيب بنته و يمشى؟! -وايه يثبت انك مش هتمشى ، بابا سابنى انا و ماما و مشى ، أصحابى مشيوا ، اوتار ايدي اتقطعت من كتر ما مسكت فيهم. -وعد قدام ربنا هفضل معا...

الحضن   قالوا عنه ↞ أكتر الأماكن الضيقه إتساعًا  إزاى بالحضن بس تخلى حد يحس بأمان راحه دفا  ، إزاى تقدر تخلى الطرف التانى بدل إحساس الرعب المسيطر عليه يكون حاسس بإن مفيش حاجه هتقدر توصله فى المكان ده ، الحضن يقدر يبنى مدن كاملة إنهارت جوه أى حد مش كل الناس تعرف يعنى إيه حضن ، يعنى إيه يكون عندك ملاذ و بيت الطرف التانى يقدر يلجأله فى أى  وقت الحضن بيجمع اللى إتكسر جوانا و يصلحه و يرجعه أحسن من الاول اتعلموا توصلوا مشاعركوا صح ، شريكوا فى الحياة يستحق المشاعر دى ،يستحق يتحضن وقت الوجع الفرح الحزن البكاء العتاب ، يستحق حضن بعد يوم طويل و متعب ، يستحق إنه يتصلح من جوه، يستحق تتبت فيه أكنك بتقوله إنت اللى ليا فى الدنيا ( متمشيش) ، يستحق ياخد هدنه من عقله اللى بيفكر 24 ساعة قولوا للى بتحبوهم بحبك وحشتنى، أحضنوهم لحد ما تشبعوا من ريحتهم من لمستهم من حضنهم ، حسسوهم قد إيه هما مهمين عندكوا  الحضن يعنى سور بينك و بين العالم موجود بس لحمايتك

المراحل المرحلة الأولى : الطاقة%100 نخطوا أول خطواتنا بالحياة بكامل طاقتنا ، لا نعرف مشاعر غير الحب ، يملئ قلوبنا الأمل ، يفيض النور من روحنا، نولد و بداخلنا بساتين مملوءة بالورود المرحلة الثانية : الطاقة %80 أولى عقباتنا فى طريق الحياة، يتناقص من طاقتنا ولكن دون أن نعلم، يزور قلوبنا بعض الحزن الخفيف مثل نسمة الهواء العابرة المرحلة الثالثة : الطاقة %60 يزورنا ثانى عقبة ، يهدأ الأمل قليلا و يحل بعض اليأس ، نكون وجهة نظر أخرى للأمور، تبدأ الحياة تنساب من بين يدينا، نفكر أن لا ضرر فى بعض الصخور الصغيرة تحدو بنا عن الطريق قليلا، تبدأ الأفكار القاتمة فى إتضاح أمرها  المرحلة الرابعة : الطاقة %5 0 منتصف الطريق حتما هو الأصعب، يتساوى الفرح و الحزن ، الألم و السعادة، الخوف و الأمان، وجود الناس أو الوحدة ، نتوقف و نسأل كيف وصلنا لهذه النقطة و كيفية الحياد عنها، يظهر لنا البئر "الصندوق الأسود " ولكن نتجاهله، تفرض الأفكار وجودها أكثر و تتشعب بين خلايا العقل و الروح المرحلة الخامسة :الطاقة % 40 بعض الصفعات الأخرى ، بعض عقبات الط...

ياسمينتى يوم 20 من الشهر الحالى أتممت عامك الرابع و  العشرون ، مازالت روحك طفلة صغيرة بضفيرتين ،  كل لغات العالم أجمع إن اجتمع  معا لن تكفى لوصفك  سيدتى صاحبة الضحكة الجميلة مثل شمس دافئة فى يوم شتوى ممطر ، ضحكتك تفتن قلوب و تمحى الحزن عن الأرواح ، ضحكتك تنبت فى قلبى ورود عباد الشمس عباد ضحكتك الصفية ، كل عام و انتِ بخير يا صديقتى ، كل عام وانتِ جزء منى ، كل عام و قلبك ملئ بالفرح و السعاده ، أتمنى فى هذا اليوم العظيم ( يوم مولد ورده الكون الاولى ) أن يدوم الله نور روحك و قلبك. أحب أن اهدى إليك منشورى الثانى ، جعلك الله سببًا فى إنشاء هذه المدونة و سببًا فى إسعادى ، كل الشكر و الإمتنان لكى صديقتى، أحبك ياسمين منصور. 

بعد دقات الساعة الثانية عشر   يشاء القدر أن أبقى وحيدة بعد محاولاتى العديده حائله دون حدوث ذلك ، رحل الجميع تاركين خلفهم جثه هامدة تقتات عليها الأفكار اللعينة، قررت عدم الأستسلام هذه المرة و الصمود أمامها بكل ما أوتيت من قوة، سأحارب وحوشى حتى آخر قوتى ، ها هى الساعة تدق إثنى عشر دقة لتعلمنى أنه منتصف الليل غرفتى ، تجذبنى إليها بكل قوتها محاولة إبقائي فيها قدر المستطاع بحجة الأمان، حفظى من العالم، بداخلها يتدفق سوادى مثل سيول مروعة محاولة الإستيلاء على ما بقى بداخلى من نور ، لتبدأ معركتى الخاصة، أحاول تذكر متى بدأت كل هذه الفوضى، متى بدأت روحى تذبل حتى ماتت، أنطفئ البريق فى عيني، خبت نار شغفى ولا يستطيع أى شئ إشعالها، ما الغرض من وجودى فى هذه الدنيا، لماذا على التشبث بها لهذه الدرجة، هذا العالم الغارق فى سواده حتى النخاع، اللعنة لا أستطيع الصمود أكثر قوتى تنهار، أغرق أكثر فى بئرى ولا أجد القشة لإنتشالى من غرقى، بينى و بين العالم يُبنى سورجديد مع كل لحظة، قرار آخر ↞  سأنهى حياتى